Ekspozitë dokumentare e vulave, faksimileve, logotipeve dhe simboleve

Ekspozita është konceptuar si përmbledhje e vulave, faksimileve, logotipeve dhe simboleve të administratës shtetërore, organeve gjyqësore, shkollave, ndërmarrjeve ekonomike dhe subjekteve të tjera juridike, të nxjerrë nga fondet e Kuvendit të Komunës së Ulqinit, Gjykatës Themelore të Ulqinit, shkollave fillore e të mesme, dhe fondeve private të familjeve Hajdinaga dhe Stanoviq nga Ulqini. Në të janë ekspozuar gjithsej 88 dokumente dhe 176 simbole

Ulqin – Në kuadër të manifestimit “Java e arkivit”, e cila sivjet organizohet për të dhjetin vit me radhë nga Arkivi Shtetëror i Malit të Zi, me moton “T’i ruajmë arkivat”, të enjten mbrëma në Galerinë e Qendrës së Kulturës – Ulqin u hap ekspozita dokumentare e titulluar “Vulat, faksimilet, logotipet dhe simbolet nëpër dokumentet arkivore të Sektorit Arkivor Ulqin 1921-1961”, e përgatitur nga Sektori Arkivor i Ulqinit.
Ekspozita është konceptuar si përmbledhje e vulave, faksimileve, logotipeve dhe simboleve të administratës shtetërore, organeve gjyqësore, shkollave, ndërmarrjeve ekonomike dhe subjekteve të tjera juridike, të nxjerrë nga fondet e Kuvendit të Komunës së Ulqinit, Gjykatës Themelore të Ulqinit, shkollave fillore e të mesme, dhe fondeve private të familjeve Hajdinaga dhe Stanoviq nga Ulqini. Në të janë ekspozuar gjithsej 88 dokumente dhe 176 simbole (vula, simbole dhe logotipe).