E veçanta e zgjedhjeve lokale, në Ulqin, është se subjektet shqiptare, dalin ndaras dhe të përçara. Krerëve të politikës shqiptare, duket se iu mungon kuraja e bashkëpunimit. Këta, pa kapitalin politik, me veprimet e tyre të pamatura mirë, po bëjnë hapa të gabuar, japin shembullin e keq, karakterin e ulët politik. Një politikë që përçan e shkatërron për synime të rastit, është politikë shterpë dhe krijon antivlerë !. -Vaj halli !. Jemi ba me na kja n’pecë
Esat Mehmeti
Edhe pak ditë na ndajnë nga zgjedhjet lokale që do të mbahen në Ulqin.Siç dihet, ato do të mbahen më 4 shkurt të këtij viti. E veçanta e këtyre zgjedhjeve, është se subjektet shqiptare, dalin ndaras dhe të përçara. Edhe përkundër faktit se, pushteti lokal në Ulqin ushtrohej nga koalicioni i gjerë, i “fortë” me diktat nga Podgorica,(me ndërmjetësimin e PDS-it,të Gjukanoviqit), nga fillimi nuk ka funksionuar ashtu siç duhej. Marrëdhëniet brenda këtij koalicioni ishin të brishta, madje këto marrëdhënie po rrëshqasin poshtë e më poshtë, aq sa është krijuar një huti e madhe në opinion. Megjithatë, plasaritjet janë të qarta dhe të dukshme. Krerëve të politikës shqipatare të këtij mjedisi, duket se u mungoi kuraja për bashkëpunim, për të gjetur një zgjidhje të duhur, për tejkalim të krizës së krijar. Por siç shihet, zemërimi, huqet dhe inatet e tyre e kanë thelluar krizën dhe kjo, tashmë është kurorëzuar me ndarje, në këto zgjedhje,( përjashtim bën këtu, një koalicioni tepër i ngushtë ). Fitohet bindja, se këtu, lufta është më tepër për një revansh politik, për të shfryrë mllefin e ngujuar.
Më gjerësisht mund ta lexoni në numrin “798” të revistës Koha Javore