Përmasat e korrupsionit, i cili nuk shfaqet vetëm në formën financiare, por edhe në formën morale, politike e në forma të tjera , sipas qytetarëve të anketuar në Ulqin, janë të dukshme, madje dominuese dhe alarmuese në shumë fusha
Gjekë Gjonaj
Thuajse asnjë komunë në Mal të Zi nuk i ka shpëtuar korrupsionit. Këtij “kanceri” i cili vërehet sidomos në vendet që janë me zhvillim të ulët ekonomik, siç jemi ne, nuk i ka shpëtuar as Komuna e Ulqinit. Faktin e hidhur se korrupsioni është mjaft i thellë në Ulqin, se ky fenomen global mbetet një nga problemet kryesore të këtij qyteti dhe se vazhdon të jetë çështje shqetësuese, e vërtetoi anketa e OJQ-së “ Ul-info”. Përmasat e korrupsionit, i cili nuk shfaqet vetëm në formën financiare, por edhe në formën morale, politike e në forma të tjera , sipas qytetarëve të anketuar në Ulqin, janë të dukshme, madje dominuese dhe alarmuese në shumë fusha. Sipas hulumtimit të lartpërmendur rreth kësaj veprimtarie të kundërligjshme dhe mjaft të rrezikshme për një shoqëri të caktuar e cila kryhet nga keqpërdorimi i detyrës zyrtare, institucionet më të korruptuara paraqiten të jenë pushteti ekzekutiv, partitë politke dhe shëndetësia, rreth 80 për qind, pastaj policia, gjyqësori, prokuroria, mediet, Kuvendi i Malit të Zi dhe arsimi.
Më gjerësisht mund ta lexoni në numrin “761” të revistës Koha Javore