Garuesit e KK “Ulqini” u kurorëzuan me 32 medalje: 13 të arta, 12 të argjendta, 7 të bronzta dhe me një kupë për vendin e parë në renditjen e përgjithshme. Me paraqitjen e tyre të shkëlqyeshme në këtë turne u veçua sidomos ekipi i të rinjve i gjeneratës 2007, në përbërje Riad Tafa, Simon Simonoviq dhe Adis Demiri
Klubi i Karatesë “Ulqini” e ka filluar në mënyrën më të mirë sezonin e parë të garave për këtë vit.
Ai zuri vendin e parë në renditjen e përgjithshme në Turneun e 20-të tradicional të karatesë “Kupa e Mimozës”, i cili u mbajt të shtunën në Herceg Novi.
Në këtë turne morën pjesë mbi 430 garues të 29 klubeve nga katër shtete: Bosnja e Hercegovina, Kroacia, Serbia dhe Mali i Zi.
Në deklaratën për shtyp të KK “Ulqini” thuhet se garuesit e këtij klubi u kurorëzuan me 32 medalje: 13 të arta, 12 të argjendta, 7 të bronzta dhe me një kupë për vendin e parë në renditjen e përgjithshme. “Klubi ynë në këtë garë mori pjesë me 24 garues dhe përsëri vërtetuam që edhe këtë vit mundemi të rrimë krah për krah me më të mirët”, shprehet i kënaqur për rezultatet e arritura të garuesve të vet kryetrajneri Kujtim Sukaliqi.
Me paraqitjen e tyre të shkëlqyeshme në këtë turne nga radhët e KK “Ulqini” u veçua sidomos ekipi i të rinjve i gjeneratës 2007, në përbërje Riad Tafa, Simon Simonoviq dhe Adis Demiri, të cilët ishin dukshëm më të mirë se kundërshtarët e vet, duke konfirmuar edhe një herë që meritojnë të quhen ekipi i artë.
Me nga disa medalje në disiplinat individuale dhe ekipore u kurorëzuan: Aleks Simonoviq, Yllëza Rama,Vuk Ojdaniq, Agron Lulgjuraj, Andrej Ojdaniq, Simon Simonoviq, Adis Demiri, Riad Tafa, Aldin Buliq, Vesko Ojdaniq, Hantije Ibroçi, Elvir Islami, Albert Rudoviq, Marko Daboviq, Allmir Hajdari, Adnan Kuqi dhe Ridvan Xhurreta.
(Kohapress)