Ulqinakët në cilësinë e vendasit shënuan fitoren e radhës në Ersteligën malazeze ndaj skuadrës së Studentski Centar nga Podgorica me rezultat (92:83) në ndeshjen e javës së nëntëmbëdhjetë.
Në pjesën e parë të ballafaqimit ekipet ishin të barabarta. Të dy skuadrat e mbyllën këtë pjesë të lojës me rezultat baras 43: 43. Në vazhdim basketbollistët e Ulqinit arritën të gjejnë forcë dhe çerekun e tretë e mbyllën me gjashtë pika më shumë se kundërshtari (68:62). Në minutat vijues të ndeshjes ekipi vendas luajti më mirë se skuadra kundërshtare. Falë kësaj loje ulqinakët në gjysmën e çerekut të fundit të ndeshjes shtuan diferencën në dhjetë kosha ( 75:65) . Që atëherë tifozët e Ulqinit e kishin të qartë se kush do të jetë fitues. Dhe përfundimisht ndeshja përfundoi me 9 pikë diferencë për skuadrën e Ulqinit.
Te Ulqini më së shumti pikë shënuan Latkoviq 24, Jekniq 23 dhe Shokoviq 15 kosha. Tek skuadra e Studentski Centar u shquan Koleviq me 32, Bogojeviq me 17 dhe Vukoviq me 10 kosha.
Ulqinakët në ndeshjen e javës së njëzet u mposhtën në Bjello Pole nga ekipi i Jedinstvos me rezultat 77:74. Gjatë gjithë ndeshjes të dy skuadrat treguan lojë të barabartë. Çereku i fundit ishte vendimtar dhe bardhë e blutë nuk arritën koncetrimin e duhur dhe u kthyen në Ulqin pa fitore.
Lojtari më efikas nga skuadra fituese ishte Lekoviq me 21 kosh, ndërsa nga ekipi i Ulqinit u shqua Gjokoviq me 21 kosh.
Ekipi i basketbollistëve të Ulqinit aktualisht ndodhet në vendin e pestë të tabelës së klasifikimit me 26 kosha, tri pikë më pak se kryesuesit e tabelës, Teodo, Ibri , Sutjeska e Llovqeni. gj.gj