Autoritetet shëndetësore të Malit t Zi paralajmërojnë për një vjeshtë tejet të vështirë me Covid-19 për shkak të përhapjes së shpejtë të variantit Delta.
Një përhapje e tillë e virusit u reflektua këtë muaj edhe në qytetin bregdetar të Ulqinit, si pasojë e mosrespektimit të masave kundër pandemisë.
Epidemiologu Kreshnik Mustafa, vë në dukje përhapjen e shpejtë të Covid-19, i cili po shkakton një situatë të rënduar në qytet.
“Masat të cilat ne si qytetarë është dashur ti marrim është që të ishim vaksinuar sa më shumë, sepse shumica prej 95% e personave që momentalisht janë të infektuar janë ata që nuk e kanë marrë asnjë dozë të vaksinës. Vaksina dihet që të mbron nga sëmundja e rëndë dhe kritike, po ashtu të mbron edhe nga mosshtrimi në spital. Për këtë arsye u bëj apel të gjithë qytetarëve që të vaksinohen”, tha z. Mustafa
“Ditëve të fundit kemi një rritje shumë të madhe të rasteve pozitive me virusin SARS CoV-2. Situata për momentin është e rënduar, por shpresojmë se qytetarët e Ulqinit do të përpiqen të respektojnë masat. Nëse ata respektojnë masat atëherë do të na ndihmojnë edhe neve si punonjës të sistemit shëndetësor të arrijmë ta përballojmë sa më mirë këtë situatë”, tha z. Mustafa.
Epidemiologu Kreshnik Mustafa vlerëson se situata mund të mbahet nën kontroll nëse zbatohen masat mbrojtëse dhe nëse rritet numri i të vaksinuarve, pasi siç shprehet ai, pjesa më e madhe e personave që shfaqin forma të rënda të infektimit të shtruar në spitalet anti-covid janë të pavaksinuar.
“Ditëve të fundit kemi një rritje shumë të madhe të rasteve pozitive me virusin SARS CoV- 2. Situata për momentin është e rënduar, por shpresojmë se qytetarët e Ulqinit do të përpiqen të respektojnë masat. Nëse ata respektojnë masat atëherë do të na ndihmojnë edhe neve si punonjës të sistemit shëndetësor të arrijmë ta përballojmë këtë situatë”, tha z.Mustafa
“Masat të cilat ne si qytetarë është dashur ti marrim është që të ishim vaksinuar sa më shumë, sepse shumica prej 95% e personave që momentalisht janë të infektuar janë ata që nuk e kanë marrë asnjë dozë të vaksinës. Vaksina dihet që të mbron nga sëmundja e rëndë dhe kritike, po ashtu të mbron edhe nga mosshtrimi në spital. Për këtë arsye u bëj apel të gjithë qytetarëve që të vaksinohen”, tha z. Mustafa.
Ndërkaq, situatës së rënduar epidemiologjike në komunën bregdetare të Ulqinit, sipas kryetarit të Komunës së Ulqinit, i ndihmoi edhe sezoni i turizmit ku gjatë muajve të verës u shënua një fluks i madh i turistëve dhe nuk u zbatuan në përpikëri masat kundër pandemisë.
“Ne e dimë që në fokus jo vetëm të Ulqinit, por në krejt bregdetin e Malit të Zi ka qenë turizmi, por mendoj që në këto rrethana e kemi harruar shëndetin. Shëndeti nuk ka çmim dhe sado që neve kemi përfituar nga turizmi, në fund nuk e di a do të mundemi ta kompensojmë shëndetin që e kemi dëmtuar në këtë mënyrë”, tha z. Daboviq.
“Ne e dimë që në fokus jo vetëm të Ulqinit, por në krejt bregdetin e Malit të Zi ka qenë turizmi, por mendoj që në këto rrethana e kemi harruar shëndetin. Shëndeti nuk ka çmim dhe sado që neve kemi përfituar nga turizmi, në fund nuk e di a do të mundemi ta kompensojmë shëndetin që e kemi dëmtuar në këtë mënyrë”, tha z. Daboviq
Në qytetin e Ulqinit ku po qëndron një numër i madh i turistëve nga rajoni e sidomos nga Kosova, vërehet një rritje e dukshme e të infektuarve. Në këtë komunë bregdetare janë mbi 1.000 raste aktive, kurse në Mal të Zi aktualisht janë 7.500 raste aktive të të infektuarve.
Nga fillimi i pandemisë numri i të infektuarve po arrin gati 113 mijë. Si pasojë e Covid-19 në Mal të Zi kanë humbur jetën 1.710 persona.