Kurë dikush merr guximin të shprehë atë që mendon kemi zëra nga rrethi ynë shoqëror që i kundërvihen me fjalët: “po çfarë të duhet ty, përse nuk shikon punët tuaja dhe familjen tënde? etj,etj.
Por a e keni vrarë mendjen ndonjëherë dhe të mendoni, se nëse të gjithë heshtim, ku përfundon një shoqëri apo ai popull?
Megjithatë shqiptarët në përgjithësi jetojnë në një shoqëri konservative dhe çdo gjë që bëjmë në kundërshtim me traditat religjioze që na i kanë lënë pushtuesit tanë vihet në diskutimin.
Ka të atillë që nuk kanë guximin ta shprehin mendimin publikisht, por pëshpëritin nëpër skuta nga frika se mos po i prishin punët e veta që lidhet me interesin e tyre personal.
Mbjellja e frikës është një armë e fuqishme dhe një sëmundje ngjitëse që përhapet shumë shpejt dhe pasi që kjo të jetë instaluar me sukses te një popull, atëherë ai komunitet jeton në një mentalitet të nënshtruar dhe të robëruar, sepse kontrollohet nga idetë spekulative dhe konspirative që vazhdimisht ushqejnë frikën.
Nëse një popull bien viktimë e konspiracioneve të frikshme, ai ka humbur betejën për të marrë guximin që ta mposhti të keqën. Ai popull është i predestinuar të ngecë në zhvillim. Andaj, shoqërisë të cilës i mungon kultura dhe toleranca e debatit dhe liria e shprehjes e ka të vështirë të bëjë një udhëtim paralel me të tjerët.
Nëse një popull bien viktimë e konspiracioneve të frikshme, ai ka humbur betejën për të marrë guximin që ta mposhti të keqen. Ai popull është i paracaktuar të ngecë në zhvillim. Andaj shoqërisë të cilës i mungon kultura dhe toleranca e debatit dhe liria e shprehjes e ka të vështirë të bëjë një udhëtim paralel me të tjerët.
Nga ana tjetër njerëzit e guximshëm janë të gatshëm të paguajnë këtë çmim sepse atyre nuk ua lejon ndërgjegjja e tyre të qëndrojnë indiferentë dhe të kaplohen nga frika e kësaj forme. Sa më shumë që një popull ka njerëz të guximshëm, aq më shpejt do arrihet tek një shoqëri e avancuar dhe e shëndoshtë. Në këtë kuadër kuptohet se nuk duhet të abuzohet në emër të lirisë së shprehjes pasi ajo është e lirë deri në atë masë derisa respektojmë vlerat, veçantitë dhe kulturën e të tjerëve
Nga ana tjetër, njerëzit e guximshëm janë të gatshëm të paguajnë këtë çmim, sepse ata nuk i u lejon ndërgjegjja e tyre të qëndrojnë indiferent dhe të kaplohen nga frika e kësaj forme. Sa më shumë që një popull ka njerëz të guximshëm, aq më shpejt do arrihet tek një shoqëri e avancuar dhe e shëndoshtë. Në këtë kuadër kuptohet se nuk duhet të abuzohet në emër të lirisë së shprehjes pasi ajo është e lirë deri në atë masë derisa respektojmë vlerat, veçantitë dhe kulturën e të tjerëve.
Çfarë mund të bëjmë dhe si mund të ndikojmë ne si shoqëri tek brezat pasardhës?
Patjetër që ne sot kemi mundësi të ndryshojmë të ardhmen për brezat tanë. Tek ata duhet të inkurajojmë guximin për të shprehur mendimin e lirë me vlera pozitive, që ndihmon edhe zhvillon shoqërinë ku ata jetojnë. Dhe nëse ata nuk e kanë këtë edukim nga ne, brezat që pasojnë do mbesin të paguximshëm, të frikësuar, viktima të së ardhmes.
Për të kuptuar vlerat e vërteta që shpien popullin tonë drejt zhvillimit, duhet edukatë dhe njohuri të vlerave shkencore, kulturore dhe kombëtare. Këto vlera duhet të jenë në përputhje me traditën dhe kulturën e popullit tonë dhe rrethit gjeografik ku jetojmë dhe jo antivlerat që na çorodisin. Ne nuk mund të adaptojmë antivlerën si një gjë normale që është në dëm për kombin tonë. Ato antivlera duhet luftuar dhe çrrënjosur me themel, dhe të mos i lejmë për gjeneratat në vijim. Vlerat tona duhet te jenë në harmoni me frymën europiane. Deshëm apo nuk deshëm, ne duhet t’i promovojmë vlerat europiane, dhe jo vlerat e vendeve te largëta, të cilat nuk përputhen me vlerat e vendndodhjes tonë, por as me kulturën dhe traditat tona.
Derisa ne nuk e kuptojmë se sa është e rëndësishme varrosja e antivlerën, e cila është e dëmshme ndaj kombit tonë, atëherë ne si shoqëri do vazhdojmë drejt ngecjes dhe prapambeturisë së shoqërisë tonë.