Fitimi i këtij turneu dhe sukseset tjera gjatë këtij viti bëjnë që Nermin Hoxha të renditet në vendin e parë në ranglistën e tenistëve deri në 18 vjeç në Mal të Zi në fillim të vitit të ardhshëm
Tenisti i Klubit të Tenisit “Bellevue” nga Ulqini, Nermin Hoxha, ka triumfuar në Turneun masters deri në 18 vjeç, i cili është mbajtur gjatë fundjavës në terrenet e KT “Challenge” në Podgoricë.
Në finale ai ka arritur të mposhtë tenistin e renditur në vendin e parë në ranglistën deri 18 vjeç në Mal të Zi, Bodin Aleksiq nga KT “Eminent”, me rezultatin 6-3, 6-3. Ndërkaq, në gjysmëfinale ka fituar ndaj tenistit tjetër të KT “Eminent”, Andrija Jokoviq, me rezultatin 6-1, 6-1.
Rezultati i thellë në meçet gjysmëfinale dhe finale të turneut janë treguesi më i mirë i lojës cilësore të Nerminit.
Në turne kanë marrë pjesë tetë tenistët më të mirë në Mal të Zi për grupmoshën deri në 18 vjeç.
Fitimi i këtij turneu dhe sukseset tjera gjatë këtij viti bëjnë që Nermin Hoxha të renditet në vendin e parë në ranglistën e tenistëve deri në 18 vjeç në Mal të Zi në fillim të vitit të ardhshëm.
Nermin Hoxha është tenist i talentuar, pjesë përbërëse e KT “Bellevue”, dhe konsiderohet njëri prej tenistëve më me perspektivë të këtij klubi dhe në përgjithësi në Mal të Zi. i. k.