Në Estoni, në qytetin e Tallinit është duke u zhvilluar Kupa e Evropës dhe Kampionati Evropian për shtetet e vogla në sportin olimpik të Taekwondo-së. Ky aktivitet grumbulloi rreth 1800 sportistë. Taekwondo Ulqini me ekipin e përfaqësueses së Malit të Zi u paraqit me 6 sportistë, ndërsa sportistja e shtatë Arta Ismailaga për shkaqe shëndetësore nuk arriti që të jetë prezent edhe pse ishte e lajmëruar. Garuesit nga Ulqini patën një paraqitje të mirë.
Më të suksesshmet ishin sportistet: Sara Kraja dhe Amella Nuti, të cilat u shpallën kampione të Evropës për vitin 2024 në kategorinë Junior. Sportistët Enes Dushku dhe Rijad Dervishi arritën deri në finale, por u ndalën nga përfaqësuesi islandez dhe ai nga Malta, me këtë sukses u shpallën nënkampionë të Evropës për vitin 2024, në kategorinë Enesi Junior dhe Rijadi kadet. Amra Dushku u shpërblye me medalje të bronzit ë kategorinë Senior. Muajin prill po e përmbyllin me këto 5 medalje evropiane.
Falënderoj shumë prindërit e sportistëve tanë për kontributin e dhënë, ju faleminderit juve sponsorëve që na përkrahet që të realizohet ky aktivitet shumë i rëndësishëm për ne. E në veçanti falënderoj shumë shoqërinë nga New Yorku, pa kontributin e së cilës ky aktivitet sot nuk do të ishte i realizuar. Ju faleminderit shumë! Një falënderim i veçantë shkon për prindin Ismet Nuti, i cili bëri çmos që të arrihet fondi financiar për këtë aktivitet shumë të kushtueshëm. Ju falënderoj shumë të gjithëve dhe njëkohësisht ju kërkoj ndjesë për shqetësimin dhe kërkesat tona.