Në disiplinën e formave, garuesit e “Ulqini”-t fituan 13 medalje të arta, gjashtë medalje argjendi, një medalje të bronztë dhe pesë kupa, duke zënë vendin e parë në renditjen e përgjithshme. Ndërkaq, në disiplinën e ndeshjes, KT “Ulqini” fitoi pesë medalje të arta, gjashtë medalje të argjendta, 11 medalje të bronzta dhe tri kupa. Ardiana Karamanaga u shpall garuesja më e suksesshme e turneut në kategorinë e senioreve, duke u shpërblyer me kupë
Të shtunën në Tiranë është mbajtur edicioni i tretë i Turneut ndërkombëtar në sportin olimpik të taekwondo-së “Tirana Trophy 2017”, i cili ka tubuar rreth 480 garues nga tetë vende.
Garat janë zhvilluar në dy disiplina: forma (poonsae) dhe ndeshje (kyorugi).
Në mesin e klubeve pjesëmarrëse në këtë turne ka qenë edhe KT “Ulqini”, i cili sipas njoftimit nga ky klub ka marrë pjesë me 31 garues në të dyja disiplinat.
Rezultatin më të mirë e ka arritur në disiplinën e formave, ku garuesit e këtij klubi kanë fituar 13 medalje të arta, gjashtë medalje argjendi, një medalje të bronztë dhe pesë kupa, duke zënë vendin e parë në renditjen e përgjithshme.
Medalje në disiplinën e formave fituan: Sumeja Bisha, Medina Kanaqi, Arta Ismailaga, Amra Dushku, Fiona Kraja, Merisa Malokraja, Enes Dushku, Amrudin Hoxha, Dion Mustafa dhe Dorian Vukaj. Vende të para, KT “Ulqini” zuri në kategoritë çift (pair) dhe ekipore (team).
Ndërkaq, në disiplinën e ndeshjes, KT “Ulqini” fitoi pesë medalje të arta, gjashtë medalje të argjendta, 11 medalje të bronzta dhe tri kupa.
Medalje të arta fituan Amella Nuti, Enes Dushku, Ardiana Karamanaga, Sara Kraja, Merisa Malokraja, medalje të argjendta Esad Kraja, Fiona Kraja, Medina Kanaqi, Amra Dushku, Bledar Kasmi dhe Arta Ismailaga, kurse medalje të bronzta Edina Kraja, Amell Nuti, Amara Bakalli, Muhamed Ukoshata, Egzon Lika, Enis Kurti, Harun Dervishi, Abdullah Dervishi, Mervana Muca, Abdullah Dermaja dhe Jahja Dervishi.
Vlen të theksohet se Ardiana Karamanaga u shpall garuesja më e suksesshme e turneut në kategorinë e senioreve, duke u shpërblyer me kupë.
Në renditjen e përgjithshme KT “Ulqini” fitoi kupat e vendit të tretë në kategoritë Children dhe Cadet, si dhe kupën për paraqitje më masive të garuesve në të dy disiplinat.
Nga KT “Ulqini” falënderojnë organizatorin e turneut, Endri Hoxha, si dhe prindërit dhe sponsorët që kontribuan për pjesëmarrjen e garuesve të këtij klubi në turne. (Kohapress)