Ndonëse pak a shumë ekziston pajtueshmëri se mundësia e drejtimit të formula 1 dhe eventualisht përfshirjes së femrave në gara është e vogël në periudhën e ardhshme, tashmë pothuajse të gjithë besojnë në rritjen e rolit të femrave në këtë sport
Historia e femrave në Formula 1 është e shkurtër. Me dekada ka qenë sport i meshkujve, me vetëm pak femra në role të rëndësishme apo në timon.
Vetëm gjashtë femra kanë drejtuar një bolid gjatë fundjavave të garave dhe nga ato vetëm dy kanë garuar në një garë, me italianen Lella Lombardi të fundit që e ka bërë këtë, shkruan NYT. Ka më tepër se 40 vjet që kur Lombardi garoi në një garë të F1.
Por, jashtë bolidit, gjërat kanë nisur të ndryshojnë. Monisha Kaltenborn është bërë femra e parë drejtuese e një skuadre, duke udhëhequr skuderinë e Sauberit.
Ndonëse ajo dha dorëheqjen muajin e kaluar, prapa saj është një gjeneratë e femrave të talentuara që po ngrihet.
Claire Williams është zëvendës-shefe e skuderisë Williams, Ruth Buscombe është inxhiniere strategjike e Sauberit, Bernadette Collins ka rol të ngjashëm te Sahara Force India dhe Marga Torres Diez është inxhiniere e motorit, duke punuar në motorët e prodhuar nga skuderia kampione Mercedes.
E gjithë kjo është tregues se era e femrave në Formula 1 po vjen.
Ndonëse pak a shumë ekziston pajtueshmëri se mundësia e drejtimit të formula 1 dhe eventualisht përfshirjes së femrave në gara është e vogël në periudhën e ardhshme, tashmë pothuajse të gjithë besojnë në rritjen e rolit të femrave në këtë sport.
Shefi i Formula 1, Bernie Ecclestone, ka thënë se shoferet “fizikisht nuk do të ishin në gjendje ta pilotonin një formula me shpejtësi të madhe”, duke mohuar kështu mundësinë e përfshirjes së tyre në këto gara.
Duke folur me biznesmenin Sir Martin Sorrell, britaniku 87-vjeçar nuk mendon se femrat do të merreshin seriozisht në këtë sport.
Por është i mendimit se në të ardhmen femrat do të marrin pozitat e shefeve ekzekutive në Formula 1.
“Femrat janë më kompetente dhe nuk kanë ego të madhe”, ka thënë Ecclestone, i cili ka thënë se femrat në të ardhmen do ta drejtojnë F1.
(KohaNet/Kohapress)