Bastet për “Oscars”

“La La Land” pritet të triumfojë natën e çmimeve “Oscars”, por gara për të kurorëzuar njeriun më të famshëm të “Hollywood”-it duket të jetë kokë më kokë, sipas kompanive të basteve që kanë parë një rritje rekord bastesh mbi ceremoninë e këtij viti të “Academy Awards”.
Casey Affleck, aktori kryesor i “Manchester by the Sea”, ka qenë pretendenti kryesor për të rrëmbyer statuetën e “aktorit më të mirë” prej disa muajsh. Por mundësitë e tij janë shtrënguar ndjeshëm pas një fluksi të jashtëzakonshëm parash të vendosura për Denzel Washington, pasi ky i fundit rrëmbeu çmimin “Screen Actors Guild” në janar për filmin “Fences”.