Mosefikasiteti i pushtetit e ligjit dhe papërgjegjësia e qytetarëve, shkak i gjendjes së tanishme alarmante
Për Koha Javore: Xheladin Zeneli Nju Jork
Si duket,çështja e ndërtimeve të pakontrolluara në Komunën e Ulqinit, që shpeshherë preferojmë t’i quajmë ndërtime të “ egra”, aktualizohet vetëm në prag të sezonit veror. Por, në të vërtetë është një problem aq serioz i cili kërkon vëmendjen dhe me të cilin do të duheshin të merren autoritetet kompetente gjatë tërë kohës. Injorimi i angazhimit të metodave parandaluese të dukurisë në fjalë, për një kohë të gjatë, e ka sjellë gjendjen sot para një “fait accompli”, ku dëmi ndaj qytetit, veçse është bërë.
Mesazhet dhe deklaratat që vijnë kohëve të fundit nga pushteti lokal i Komunës nuk janë konsistente. Në Dhjetor të vitit të kaluar Kuvendi i Komunës së Ulqinit, miratoi Propozimin e Planit Hapësinor-Urbanistik për territorin e vet. Në të njëjtën kohë udhëheqësit e pushtetit lokal paralajmëruan “ masa rigoroze për ndalimin e ndërtimit të egër”. Kurse në fillim të këtij muaji ,në portalin informativ të Komunës së Ulqinit,( të datës 6 Shkurt 2017 ), kryetari i tanishëm i KU shpreh shqetësimin e tij, në këtë aspekt, lidhur me “mungesën e mundësisë së intervenimit “, nga ana e Komunës. Kur kësaj i shtohet edhe fakti se Ligji për legalizimin e objekteve është në pritje e sipër, fitohet një pasqyrë e paqartë dhe një ndjenjë hutimi tek qytetarët e Ulqinit.
Më gjerësisht mund ta lexoni në numrin “752” të revistës Koha Javore