Në sajë të dekompozimit të ish shumicës parlamentare Qeveria e pakicës u votua nga 45 deputetë pro dhe 3 kundër, përbëhet nga 18 ministri dhe 2 ministra pa portofol. Për nga sasia e ministrive në krahasim nga e mëparshmja e cila kishte 12 ministri, një veprim i tillë do të dëshmoi në praktikë arsyeshmërinë e tillë në realizimin e objektivave qeveritare.
Në saje të biografive të prezantuara nga ministrat e kabinetit qeveritar, analistet kanë vlerësuar se kemi të bëjmë me individ pa përvojën e duhur dhe mungesë të përgatitjes profesionale në detyrat ku janë vendosur, sepse me përjashtim të disa individëve të tjerët janë fillestarë në detyra të tilla me përgjegjësi.
Dy objektivat kryesore
Në saje të prezantimit të ekspozesë nga kryeministri Dritan Abazoviqi, del qartë se qeveria e re do të synojë të realizojë dy objektiva kryesorë të cilat janë: funksionimi shtetit ligjor dhe zhvillimi ekonomik. Në këtë gamë të çështjeve nuk ka dilemë se vend parësor zënë lufta kundër korrupsionit dhe krimit të organizuar. Një qasje e tillë nuk është e panjohur sepse edhe qeveria e mëparshme e dalur nga zgjedhjet parlamentare të 30 gushtit 2020, edhe pse arriti të veprojë në këtë drejtim, angazhimi i tillë mbeti vetëm në nismë sepse iu ndërpre funksionimi. Madje angazhimet e tyre janë përshëndetur nga opinioni në vend e jashtë sepse individët dhe klanet e ndryshme kriminale kanë vepruar për tridhjetë vite të pa prekur nga ana e pushtetit(DPS), nga del se ata kanë pasur koordinim të përbashkët.
Korrupsioni dhe kriminaliteti
Lufta kundër korrupsionit dhe kriminalitetit të organizuar janë çështjet kyçe qe duhet të dëshmohet me procesuimin e individëve në nivelin më të lartë. Burgosja te ish kryetares së Gjykatës Supreme MZ V.Medenica në këtë aspekt është hap që duhet përshëndetur por opinioni vendas dhe ai ndërkombëtarë presin që të vazhdohet në këtë drejtim, sepse nuk ka të pa prekshëm ku sistemi ligjor duhet të jetë i barabartë për të gjithë.
Për të arritur objektivat e planifikuara kryeministri Dritan Abazoviqi duhet të mbështetet nga shumica parlamentare por edhe nga opozita sepse shteti ligjor është në favor të gjithë qytetarëve. Por, duhet cekur se roli i DPS-it mbetën parësor, sepse pa mbështetjen e tyre nuk mund të realizohet objektivat për reforma.
Duke marrë parasysh faktin se Presidenti i Malit të Zi, M.Gjukanoviqi është në rol të dyfishtë, por për të avancuar raportet shoqërore, nuk duhet të sillet si kryetar partie por si president i vendit. Vetëm me një qasje të tillë mund të bëhen ndryshime dhe avancim të integrimeve europiane që është synim i vazhdueshëm i qeverisë në Mal të Zi.
Duhet të shfrytëzohet okupimi i Ukrainës
Në sajë pushtimit të Rusisë në Ukrainë ndryshuan raportet gjeopolitike ndërkombëtare që janë në favor të vendeve të cilët synojnë të jenë pjesë e Bashkësisë Evropiane. Një veprim i tillë do të ishte në favor të stabilizimit në Ballkan, duke marrë parasysh rolin destruktiv të Serbisë, si në të kaluarën e në ditët tona. Duke marrë parasysh se në këtë drejtim ne krahasim ndaj vendeve tjera në regjion Mali i Zi është në përparësi andaj duhet të shfrytëzohet momenti gjeopolitik. Po ashtu një moment i tillë do të ndikonte për të ndaluar ndikimin rus dhe kinez në Mal të Zi.
Në këtë aspekt duke mbështetur qeverinë e pakicës jo vetëm nga shumica aktuale parlamentare por edhe nga opozita. Mali i Zi ka shansin historik për tu distancuar nga politika e kaluar duke qenë e pranueshme për qytetarët dhe faktorin ndërkombëtar.
Privatizimi i dështuar
Ndër çështjet me të cilat do të ballafaqohet qeveria e pakicës, ka të bëjë me rishqyrtimin e të gjitha vendimeve që kanë të bëjnë me procesin e privatizimit. Dhe nuk ka si të jetë ndryshe, sepse privatizimi i ndërmarrjeve shtetërore në tërë vendin pothuaj ka dështuar në tërësi, duke i plaçkitur nga individë apo klane të ndryshme të lidhur me qarqe të pushtetit.
Theksojmë me këtë rast Ulqinin si shembull praktik i privatizimit të dështuar, duke veçuar hotelet, kriporen, ndërmarrjet “Primorje”, “AgroUlqini”, “Ultep”, “Otrantcomerc” etj.
Valdanosi iu kthehet ish- pronarëve
Nga ndryshimi i pushtetit pas tridhjetë viteve në lidhje me çështjen e privatizimit ndodhi hapi i parë pozitiv. Fjala është për ullishtën e Valdanosit i cili në vitin 1978 iu mori pronarëve me kompensim minimal, për qëllime të ushtrisë së asaj kohe.
Ndonëse për rikthimin e ullishtës së Valdanosit ish pronarëve ka qenë ide e vazhdueshme e partive politike shqiptare, madje janë organizuar protesta, takime e tubime të ndryshme, por kundër ishte pushteti, përkatësisht DPS-i, sepse për të realizuar një ide e tillë duheshin votat në parlament. Dhe një mrekulli e tillë ndodhi pas zgjedhjeve parlamentare(30.8.2020) kur DPS-i kaloi në opozitë. Në sajë të vendimit të parlamentit(11.62021) me 49 vota për nga shumica parlamentare dhe disa partive tjera opozitare, ullishta e Vladanosit iu kthehet ish pronarëve pas 43 vjetëve. Duhet cekur së në procesin e votimit deputetët nga DPS-i dhe Partia Boshnjake nuk ishin në sallë, duke dëshmuar qëndrimin e tyre ndaj rikthimit të ullishtës së Valdanosit pronarëve të tyre.
Në këtë drejtim, roli i Dritan Abazoviqit asohere në cilësinë e zëvendës kryeministrit ka pasur peshë të veçantë, i cili me votat e shumicës parlamentare realizoj një të drejtë të mohuar ndaj qytetarëve të Ulqinit. Ndërsa më pas kemi angazhimin e tij për rikthimin e Kripores së Ulqinit, si pronë shtetërore, e cila ka mundësi reale për rikthimin e veprimtarisë së mëparshme, në prodhimin e kripës.
Ndërsa tash qytetarët e Ulqinit presin të vazhdojë me këtë elan në këtë drejtim por tash në funksionin e kryeministrit të Qeverisë së Malit të Zi, në favor të investimeve dhe zhvillimit ekonomik dhe të mirëqenies së qytetarëve në këtë mjedis.