Mbetet që përfaqësuesit e Ministrisë së Punëve të Brendshme të Malit të Zi dhe të Shqipërisë të ulen e të bisedojnë për një zgjidhje të shpejtë, efikase e të qëndrueshme, në të mirë të të dy palëve. Poashtu duhet punuar edhe në hapjen e disa pikave të reja kufitare me ç’gjë banorëve të fshatrave kufitare t‘u mundësohet kalimi i kufirit me kushte të caktuara
Gjekë Gjonaj
Sezoni veror po vjen. Bashkë me të edhe fluksi i madh i automjeteve në të gjitha pikë-kalimet në Mal të Zi. Referuar përvojës së viteve të shkuara më problematike pritet të jetë situata në pikën e kalimit në Muriqan, midis Malit të Zi dhe Shqipërisë. Hapja e kësaj pike të përbashkët në vtin 2009, e para e këtij lloji në Ballkan, e financuar nga Bashkimi Evropian, u cilësua nga kryeministri malazez Millo Gjukanoviq dhe kreu i Qeverisë shqiptare Sali Berisha si një ngritje e miqësisë dhe e bashkëpunimit të shkëlqyer në mes dy vendeve fqinje në rrugën e tyre të përbashkët drejt BE-së. „Ky është një atribut i vullnetit tonë të mirë për t‘u bërë pjesë e familjes së madhe evropiane dhe të perspektivës sonë euroatlantike. Duke arritur standardet, ndër të tjera edhe në menaxhimin e pikave kufitare, ne do të përshpejtojmë procesin e liberalizimit të vizave me vendet evropiane“, është shprehur asohere kreu i qeverisë malazeze.
Më gjerësisht mund ta lexoni në numrin “765” të revistës Koha Javore