Mbi pasojat eventuale që Ligji i propozuar për agjentët e huaj mund të ketë mbi demokracinë, të drejtat e njeriut dhe liritë themelore, duke përshirë lirinë e shprehjes dhe organizimin në Mal të Zi, Shtetet e Bashkuara të Amerikës kanë shprehur shqetësim të thellë, janë shprehur nga Ambasada e SHBA-ve në Mal të Zi.
Nga ky institucion, i pyetur nga Radio Evropa e Lirë për të komentuar nismën e Koalicionit „Për të Ardhmen e Malit të Zi” për miratimin e ligjit për agjentët e huaj, kanë thënë se, një akt i tillë mund të kufizojë hapësirën për veprim civil, të stigmatizojë organizatat e shoqërisë civile që punojnë për përmirësimin e jetës së qytetarëve të Malit të Zi dhe mund të pengojnë punën kritike të mediave të pavarura që informojnë opinionin bazuar në fakte.
“Këto elemente janë jashtëzakonisht të rëndësishme për të gjitha institucionet dhe sistemet demokratike” janë shprehur nga ambasada e SHBA-së për REL-in.
Koalicioni “Për të ardhmen e Malit të Zi” është shprehur më 9 tetor se e konsideronte të nevojshëm propozimin urgjent të një ligji për agjentët e ndikimit të huaj në Malin e Zi.
Një ligj i tillë, sipas këtij koalicioni, do të rregullonte “funksionimin e agjencive të huaja që, nën petkun e organizatave joqeveritare, përpiqen të ndikojnë në politikën e brendshme dhe atë të jashtme”.
Sipas këtij artikulli të Radios Evropa e Lirë, Ambasada e SHBA-së në Podgoricë ka thënë se nuk i ka parë hollësitë e propozimit të koalicionit “Për të ardhmen e Malit të Zi” për ligjin për agjentët e huaj, dhe se nuk mund të komentojë për ngjashmëritë e supozuara të tij me Aktin e Regjistrimit të Agjentëve të Huaj në SHBA, i njohur si FARA, të cilit i është referuar koalicioni.
“Për këtë iniciativë, partitë e ish-Frontit Demokratik nuk morën mbështetjen e partive të tjera me të cilat ato janë në pushtet, Demokratët dhe Lëvizjen Evropa Tani të kryeministrit Millojko Spajiq. Një ligj i tillë ekziston në Rusi dhe në Gjeorgji, dhe versione të ngjashme ka edhe në vende të tjera, si Bjellorusia dhe Sllovakia. Për shkak të këtij ligji, procesi i integrimit evropian të Gjeorgjisë praktikisht është pezulluar” theksohet në artikullin e REL-it, kushtuar kësaj çështjeje.
Ndërkaq, koalicionin “Për të ardhmen e Malit të Zi” e përbëjnë Demokracia e Re Serbe e Andrija Mandiqit që është kryetar i Kuvendit të Malit të Zi dhe nga Partia Popullore Demokratike e Millan Knezheviqit.
Kujtojmë se Mali i Zi është vend anëtar i NATO- s dhe kandidat për anëtarësim në Bashkimin Evropian.
t. u.