Shkup – Ministri i të Drejtave të Njeriut dhe të Pakicave, Fatmir Gjeka është takuar të premten (18 tetor 2024) në Shkup me zëvendëskryeministrin e parë dhe ministrin e Mjedisit Jetësor dhe Planifikimit Hapësinor në qeverinë e Maqedonisë së Veriut, Izet Mexhiti.
Në deklaratën për shtyp thuhet se gjatë takimit Gjeka dhe Mexhiti biseduan për marrëdhëniet midis Malit të Zi dhe Maqedonisë së Veriut, të cilat i vlerësuan të shkëlqyeshme në të gjitha fushat.
“Dy bashkëbiseduesit theksuan se pas anëtarësimit të dy vendeve në Aleancën Veriatlantike, integrimi i plotë në Bashkimin Evropian ngelet prioritet për dy qeveritë, si i vetmi opsion për zhvillimin e gjithë rajonit”, thekson deklarata.
Ministri Gjeka e informoi zëvendëskryeministrin Mexhiti se Mali i Zi ka realizuar me sukses regjistrimin e popullsisë dhe është duke punuar për hapjen e kapitujve të rinj për anëtarësimin e vendit në BE, ku është vërejtur rritje e mbështetjes së qytetarëve për 20 për qind.
Gjeka dhe Мexhiti janë pajtuar që të intensifikohet komunikimi për arritjen e bashkëpunimit më të madh mes dy vendeve, me theks në projektet që kanë të bëjnë me sfidat e mjedisit jetësor.
(Kohapress)