Tuz – Maturantët e Gjimnazit “25 Maji” në Tuz, kanë organizuar defileun tashmë tradicional të mbrëmjes së maturës, duke i përmbyllur kështu edhe zyrtarisht katër vite të shkollimit të mesëm.
Kanë qenë plot 110- maturantë të cilët u tubuan në hapësirat e jashtme të komunës së Tuzit, nga ku e kishin dhe pikënisjen e tyre, për të vazhduar më pas përgjatë gjithë rrugës kryesore nëpër qendër të qytezës së Tuzit. Atyre iu printe drejt turmës, drejtoresha e këtij institucioni e cila ndiqej më pas nga qindra maturantë/e, ku çdo klasë shoqërohej edhe nga kujdestari përkatës.
Krahasuar me një vit më parë, numri i ndjekësve të defileut të maturantëve ka qenë shumëfish më i lartë. Qindra njerëz kanë qenë të pozicionuar në të dyja anët e rrugës kryesore, nga ku me shumë duartrokitje, kureshtje dhe entuziazëm ndiqnin çdo çift i cili parakalonte nëpër shesh duke sjellë me vete plot shkëlqim e atmosferë pozitive, të veshur më bukur se kurrë, me kostume dhe fustane shumëngjyrëshe dhe vezulluese të cilat i kishin zgjedhur me shumë kujdes enkas për këtë natë të shënuar për ta. t.u.
Më gjerësisht mund ta lexoni në numrin “816” të revistës Koha Javore