Tuz – Komuna e Tuzit ka ndihmuar financiarisht pesë klube sportive që veprojnë në Malësi të cilat në bazë të konkursit publik për vitin 2022, u shpallën fitues.
Kryetari i Komunës së Tuzit, Nik Gjeloshaj para pak ditësh firmosi kontratat me këto klube.
Klubit Taekwondo “Besa” iu ndanë 14 mijë e 500 euro, Klubit të Futbollit “Malësia 2010”, 9 mijë e 500 euro, Klubit të Taekwondosë “Alba” dhe Klubit të Futbollit “Tuzi”, nga 4 mijë e 500 euro, dhe Klubit të Xhudos “Tuzi”, 2 mijë euro.
Në ceremoninë e ndarjes së të këtyre mjeteve financiare, klubet fituese kanë falënderuar Komunën e Tuzit për kujdesin e veçantë që po i jep sportit dhe të rinjve.
Nga ana tjetër, kryetari Nik Gjeloshaj iu dëshiroi suksese klubeve, duke premtuar mbështetje edhe më të madhe në të ardhmen.
t. u.