-Kjo temë erdhi duke dashur t’i sfidoj nxënësit të shkruajnë për një temë që do të promovonte tolerancën, por edhe për të kuptuar bashkëmoshatarët e tyre. Gjersa po përpiqesha t’u shpjegoja thelbin e temës e mbi të gjitha për çfarë dhe si të shkruajnë më së miri , nuk kishte si të mos më sfidonte edhe mua.
-Shpesh herë mjafton të kujtojmë të gjithë ndjenjat e përziera, ngjarjet e këndshme dhe ato të vështira që ndodhin në jetën tonë të përditshme. Ndër të gjitha këto, ka një shprehje që na kujton për një lloj empatie dhe kuptimi ndaj përvojave të të tjerëve: Vendose veten në këpucët e tjetrit. ”Kjo shprehje na fton të hedhim një vështrim të thellë në botën e dikujt tjetër, duke ndjekur rrugën e tyre dhe duke kuptuar realitetin në të cilin ata jetojnë. Çdo individ ka një histori unike dhe ndjenjat dhe përjetimet e tyre personale janë të përshtatshme vetëm për ta, po kjo nuk do të thotë që jeta që ata bëjnë është e gabuar ose jo, ajo është e përshtatshme për secilin në mënyrën e vet. Për të kuptuar vërtetë një person, duhet të përballeni me realitetin e tyre, të ndajmë gëzimet dhe zemërimet, të kuptojmë ëndrrat dhe frikët e tyre. Mjafton të kujtojmë se çdo njeri ka një seri sfidash dhe gëzimesh të cilat mund të kenë ndikim të madh në jetën e tyre.
-”Në këpucët e tjetrit” është një fjali e thjeshtë që na bën të reflektojmë mbi empatinë dhe mirëkuptimin ndaj përvojave të të tjerëve. Përmes kësaj shprehjeje, mund të arrijmë një nivel më të lartë të kuptimit dhe të ndihmojmë në nxitjen e bashkëpunimit dhe mirëkuptimit në shoqëri. Të kujtojmë se një perspektivë e ndryshme mund të sjellë kuptim më të thellë dhe një ndjenjë më të thellë të lidhjes me të tjerët. Në një botë ku dallimet vazhdojnë e po theksohen, kjo shprehje na përkujton se, pavarësisht se sa ndryshojmë, shpirti i njerëzimit ka një thellësi humane dhe një aftësi për të kuptuar dhe respektuar përvojat e njëri-tjetrit. Andaj pa e futur veten në këpucët e tjetrit dhe pa u përpjekur për kuptuar qëllimet e tyre për të vepruar në një mënyrë ose tjetër gjithmonë rrezikojmë të bëhemi pre e konflikteve. Andaj para se të gjykosh vishi një herë këpucët e tjetrit bëj hapa me to e pastaj fol!
Donika Lulgjuraj