Që nga bllokimet (lockdowns) e para të bëra me qëllimin e parandalimit të përhapjes së Covid-19, shqetësimi i menjëhershëm që ngritën shoqatat të cilat kanë në fokus mbrojtjen e të drejtave të gruas, ishte kontakti më i ngushtë që do të kishin gratë me dhunuesin, në rastet kur ai është familjar, apo partner intim. Si rrjedhojë e kufizimeve, në vende të ndryshme të botës u vërejtën raportime më të larta të dhunës.
Këtë javë u shënua 8 Marsi, Dita Ndërkombëtare e Gruas, ku edhe në Shqipëri e Kosovë si problematikë kryesore u theksua ndikimi negativ i pandemisë në rolin e gruas në shoqëri. Raportime më të larta dhune, humbje të vendeve të punës, si edhe angazhimi më i lartë me familjen apo fëmijët, janë telashet e reja me të cilat gratë po ballafaqohen gjatë kësaj situate pandemike
Ky pohim mbështetet edhe nga rezultatet e hulumtimit të Institutit Evropian për Barazi Gjinore (EIGE), ku thuhet se Franca ka një rritje prej 32% të raporteve të dhunës në familje vetëm përgjatë një jave të karantinës. Ndërsa, Lituania vërejti 20% më shumë raporte të dhunës gjatë një periudhe trejavore bllokimi, sesa gjatë të njëjtës periudhë të një viti më parë, (në 2019).
Përveç kësaj, një studim i fundit i Komisionit Evropian, paraqet se pandemia ka përkeqësuar barazitë ekzistuese midis grave dhe burrave në pothuajse të gjitha sferat e jetës, si në Evropë, ashtu edhe më gjerë. Gjithashtu, si konkluzion është vënë në dukje ndikimi disproporcional i pandemisë në jetën e grave, dhe se do të duhen vite apo edhe dekada, për të kapërcyer pengesat e barazisë gjinore të shkaktuara.
Ndërkaq, këtë javë u shënua 8 Marsi, Dita Ndërkombëtare e Gruas, ku edhe në Shqipëri e në Kosovë si problematikë kryesore u theksua ndikimi negativ i pandemisë në rolin e gruas në shoqëri. Raportime më të larta dhune, humbje të vendeve të punës, si edhe angazhimi më i lartë me familjen apo fëmijët, janë telashet e reja me të cilat gratë po ballafaqohen gjatë kësaj situate pandemike.
Në thelb të shënimit të kësaj date qëndron festimi i arritjeve të grave në të gjithë botën, për kontributin që ato japin për avancimin në shoqëri, kulturë apo në sferën politike. Historia e kësaj feste i ka rrënjët në marshime dhe kërkime të drejtash, si për paga më të mira, orare më të shkurtra apo kushte më të mira pune, dhe të drejtë vote
Në thelb të shënimit të kësaj date qëndron festimi i arritjeve të grave në të gjithë botën, për kontributin që ato japin për avancimin në shoqëri, kulturë apo në sferën politike. Historia e kësaj feste i ka rrënjët në marshime dhe kërkime të drejtash, si për paga më të mira, orare më të shkurtra pune apo kushte më të mira pune, dhe të drejtë vote.
Për herë të parë, Dita Kombëtare e Gruas u shënua në Shtetet e Bashkuara të Amerikës, më 28 Shkurt të vitit 1909. ndërsa Kombet e Bashkuara, në vitin 1975 festuan për herë të parë Ditën Ndërkombëtare të Gruas. Në Mal të Zi, Shqipëri, Kosovë, Maqedoni të Veriut, Bosnje dhe Hercegovinë, Serbi etj., 8 Marsi përkon edhe me Ditën e Nënës.