Tuz – Komuna e Tuzit ka përgatitur projektin ideor për rinovimin e tregut të ri i cili do të jetë i përzier, e që sipas projektit në fjalë, parashikohet të ketë një sipërfaqe prej dhjetë mijë metër katror, me të gjitha kushtet dhe standardet bashkëkohore.
Drejtori i SHPK “Tregu” në Tuz, Ruzhdi Lluka në prononcimin për gazetën “Koha javore” shprehet se me këtë projekt parashikohet që përveç tregut të mallrave, të përfshihet edhe tregu i gjelbër.
“Në Malësi shumica e njerëzve merren me bujqësi. Janë rreth 550 fermerë që janë të regjistruar dhe tani në këtë sezon kur bëhet shitja e shalqirit, patates, etj., të cilat aktualisht janë duke u shitur rrugëve, besojmë se me ndërtimin e tregut të ri që do të ketë edhe parkingje, do ta zgjidhim këtë çështje, që fermerët të mos kenë nevojë të dalin rrugëve”, u shpreh Lluka
“Aktualisht në këtë treg ka rreth 270 stenda që i japim me qira, 200 stenda që i marrin në bazë të kontratës dhe 70 të tjera në bazë ditore. Sa i përket tregut të gjelbër, edhe aty do të ishin rreth 20 stenda të cilat do të rrisnin të ardhurat” u shpreh Lluka.
Drejtori i SHPK “Tregu”, Ruzhdi Lluka tha se përmirësimi i kushteve në tregun aktual siç është korrenti dhe përmirësimi i kanalizimeve të ujit që deri tani ka qenë problem madhor, sidomos në raste të reshjeve të shiut, do të ndikojë dukshëm në përmirësimin dhe avancimin e kushteve të përgjithshme të funksionimit të këtij tregu.
Drejtori i SHPK “Tregu”, Ruzhdi Lluka tha se përmirësimi i kushteve në tregun aktual siç është korrenti dhe përmirësimi i kanalizimeve të ujit që deri tani ka qenë problem madhor, sidomos në raste të reshjeve të shiut, do të ndikojë dukshëm në përmirësimin dhe avancimin e kushteve të përgjithshme të funksionimit të këtij tregu
Drejtori i SHPK “Tregu” z. Lluka shpreh besimin se nga fillimi i muajit shtator do të nisin punimet në rinovimin e këtij tregu i cili është shumë i domosdoshëm.
“Në Malësi shumica e njerëzve merren me bujqësi. Janë rreth 550 fermerë që janë të regjistruar dhe tani në këtë sezon kur bëhet shitja e shalqirit, patates, etj., të cilat aktualisht janë duke u shitur rrugëve, besojmë se me ndërtimin e tregut të ri që do të ketë edhe parkingje, do ta zgjidhim këtë çështje, që fermerët të mos kenë nevojë të dalin rrugëve”, u shpreh Lluka.
Projekti i tregut të përzier në Tuz kap vlerën e 2 milionë eurove, ndërsa tenderi është shpallur në fund të vitit 2023 dhe ka hyrë në investimet kapitale që parashikohen të realizohen gjatë vitit 2024.
t. u.